रोज़मर्रा | Rozmarra

 

Shabdo ke chayan  Mein bhavnao ko kho raha hoon

Zinda rahne ki chah mein Jeena  bhul raha hoon

 

Daudta raha hoon umr bhar aarzuo ki talash mei

Trademill pe kat gaya safar dekh raha hoon

 

Paripakvata ke aalingan mei bachpan gawa diya jab

Dupahar ki garmi mei ab subah ki kirane dhoondh raha hoon

 

Kab tha mere pass, ke kya khone ki baat kahu?

Memano ki bheed mei apne wazood ko dhoondh raha hoon

 

Armano ke pichhe bhagana to durr raha

Prarambh ki siti kab baji soch  raha hoon

 

Do saans ke beech mei zara jee leta hoon

Zindagi meri khudse mei udhar le leta hoon

 

Krunal Sagan

July 14, 2020